A Deputación acomete estes días a pavimentación da estrada que une Ribadeo e Trabada por Arante

A Deputación de Lugo acomete estes días a pavimentación con aglomerado en quente dun novo treito da estrada LU-P-5204

A Deputación de Lugo acomete estes días a pavimentación con aglomerado en quente dun novo treito da estrada LU-P-5204, que é a vía que comunica os concellos de Ribadeo e Trabada pasando pola parroquia ribadense de Arante.

As obras afectan ao tramo que vai do punto quilométrico 2,780 e 3,600, á altura de Arante, e xa se acometeu a reapertura de cunetas e o eliminado da vexetación e maleza. Este xoves estase a traballar na pavimentación con aglomerado en quente e, rematadas estas tarefas, procederase ao pintado da vía con marcas reflexivas brancas.

A empresa Construcciones Isidro Otero SL é a encargada das obras, adxudicadas por un importe de 46.000€.