A Biblioteca Pública de Foz pecha temporalmente ao público por obras de arranxo
O Concello de Foz informou de que a Biblioteca Pública permanecerá pechada ao público durante os vindeiros días como consecuencia das obras de arranxo que se están a levar a cabo nas instalacións. Esta intervención forma parte dun proceso de mellora do espazo, co obxectivo de optimizar as condicións de uso e confort para a cidadanía.
Segundo comunicou o goberno municipal, os traballos poden provocar ruídos que afecten á sala de estudos, polo que se optou por suspender temporalmente o acceso ao recinto ata novo aviso. Así mesmo, o servizo de préstamo de libros e outros materiais bibliográficos quedará interrompido mentres duren as actuacións.
Desde o Concello precisan que as devolucións de exemplares si se poderán realizar no horario habitual, co fin de facilitar que as persoas usuarias poidan cumprir cos prazos establecidos sen prexuízo.
A administración local lamenta as molestias que estas obras poidan ocasionar e agradece a comprensión da veciñanza, ao tempo que se compromete a informar puntualmente de calquera novidade a través dos canais oficiais do Concello de Foz.