Xove deu a coñecer os gañadores do concurso de fotografía, Cal é o teu espazo natural preferido?
AMariñaXa
Xove deu a coñecer os gañadores do concurso de fotografía, Cal é o teu espazo natural preferido? co gallo do Día Mundial do Medio Ambiente
21 Xuño 2022
A Concellería de Medio Ambiente do Concello de Xove vén de comunicar os gañadores do concurso de fotografía co gallo do Día Mundial do Medio Ambiente e baixo o lema, Cal é o teu espazo natural preferido de Xove?
Así, na categoría infantil a foto máis votada foi A horta de Lidia da autora Lidia Paleo Rivas, na categoría xuvenil a gañadora foi Faro á vista de Judith Suárez Azogue, e na categoría adultos, Atardecer faro de punta Roncadoira de Úrsula Vázquez Pajón.
A entrega de trofeos e obsequios a todos os participantes farase este venres 24 de xuño ás 12.00 horas no salón de plenos do Concello de Xove.
