Xove acolle a 26ª Ruta Cabalar organizada pola Asociación Equina A Medela
A Asociación Equina A Medela organiza a 26ª edición da súa Ruta Cabalar, que terá lugar o domingo 16 de marzo en Xove. O evento contará cun percorrido a cabalo que partirá ás 10:00 horas do campo da igrexa de Sumoas, con pinchos para os participantes a media ruta.
Ás 14:30 horas celebrarase un xantar na carpa instalada no mesmo campo da igrexa, servido pola Pulpería Mario de Viveiro e amenizado por un grupo musical. O menú incluirá callos, lacón con pataca cocida, sobremesa, bebida, café e chupo. O prezo por persoa será de 30 euros, mentres que os nenos de 6 a 12 anos pagarán 15 euros e os menores de 6 anos terán entrada gratuíta.
Ademais, entre os asistentes á ruta realizarase un sorteo de agasallos. As inscricións estarán abertas ata o 13 de marzo e poderán facerse a través dos teléfonos facilitados pola organización. A Asociación A Medela lembra que non se fará responsable de posibles accidentes durante a ruta e que cada xinete será responsable dos danos que puidera ocasionar.