Volve o Mercado dos Domingos á contorna da praza de abastos de Ribadeo
![horta mercado agricultor](https://amarinaxa.com/wp-content/uploads/2022/06/horta-mercado-agricultor.jpg)
Do 26 de xuño ao 9 de outubro terá lugar o XXI Mercado dos Domingos na contorna da praza de abastos. Unha cita que impulsa a alimentación de proximidade, a sostibilidade e o consumo local. Este domingo animará o mercado entorno ás 12.30 da mañá o cuarteto de música tradicional Xaramolo.
O Concello de Ribadeo organiza este mercado en colaboración coa Asociación de Produtores da Horta A Sucadoira. Trátase dun mercado de proximidade de produtoras e produtores da zona no que se poden atopar produtos da horta, outros alimentarios como queixos ou pan e relacionados co sector primario. Nesta temporada tamén se incorporan novidades como as setas e os doces.
O Mercado pon en valor a economía de proximidade, potenciando o consumo de temporada, apoiando a nosa economía local e dinamizando Ribadeo..Este mercado terá lugar, como cada ano, na contorna da praza de abastos de Ribadeo en horario de 9.00 a 14.00 horas, contará con 15 produtores e produtoras da zona. Este é un espazo no que poderá atoparse unha oferta de produtos ben diversificada e de proximidade: da horta, pan, ostras, queixo, embutidos, zumes e marmeladas, cervexas, coitelería , doces, setas etc.
![mercado dos domingos Ribadeo xuno 2022](https://amarinaxa.com/wp-content/uploads/thumbs/2022/06/mercado-dos-domingos-Ribadeo-xuno-2022-200x282.jpg)