Volve a Heroican Race a Ribadeo despois de 5 anos
Volve a Heroican Race a Ribadeo. A proba celebrarase o domingo 29 de setembro e conta cun percorrido duns 7 a 9 quilómetros, no que haberá que sortear de 25 a 30 obstáculos e estará completamente sinalizado e pechado ao tráfico. A cita está considerada coma unha carreira de obstáculos ou OCR, desenvolvida na súa totalidade nunha contorna natural, consistente nun percorrido con diversos obstáculos, tanto naturais como artificiais.
Os obstáculos deberán pasarse como indique o xuíz que se atope nel, nunca sorteándoos, en caso de esquivalo deberá realizar a penalización que se lle indique. Facelo doutra forma supón non optar aos premios establecidos, e ser descualificado da proba. Para poder participar será necesario ter cumpridos os 16 anos no momento de celebración da proba e aceptar o Regulamento á hora de formalizar a inscrición.
Os menores de 18 anos deberán presentar unha autorización asinada polos seus pais. A carreira estará limitada a 12 quendas que tomarán saída cada 15 minutos, comezado dende as 10.00 horas. A quenda elite e a quenda popular competitiva Terán normativa O.S.O. As quendas populares terán penalización burpees. Os dorsais poderanse recoller o domingo 29 de setembro de 8.30 a 12.00 horas no stand de la organización.