Volve a Festa do Ovo Frito de Barreiros
AMariñaXa
A IV Festa do Ovo Frito de San Cosme de Barreiros terá lugar no campo de fútbol do Cascabeiro o vindeiro domingo 14 de agosto.
![1 ovo friot barreiros 2023](https://amarinaxa.com/wp-content/uploads/2023/08/1-ovo-friot-barreiros-2023.jpg)
13 Ago 2023
A V Festa do Ovo Frito de San Cosme de Barreiros terá lugar no campo de fútbol do Cascabeiro o vindeiro luns 14 de agosto. Esta cita gastronómica celebrarase como é tradicional o día 14 co obxectivo de recadar fondos para o Celta Barreiros así como pasar unha boa noite de festa.
Dará comezo ás 19.30 horas e será posible degustar patacas fritas, un par de ovos, un chourizo, pan e bebida. A noite contará con animación musical a cargo de Dúo Époka, Puzzle Manía e disco móbil.
Para asistir será necesaria a compra dun ticket no centro social de Barreiros ou aos membros da organización por un prezo de 12 euros por persoa o mesmo día e 10 euros anticipada.
![ovo friot barreiros 2023](https://amarinaxa.com/wp-content/uploads/thumbs/2023/08/ovo-friot-barreiros-2023-200x297.jpg)