Volve a Concentración de VespaFaba & Clásicos Lourenzá
![8 edicion vespa faba lourenza 1](https://amarinaxa.com/wp-content/uploads/2022/02/8-edicion-vespa-faba-lourenza-1.jpg)
A Asociación Club VespaFaba & Clasicos Lourenzá presentou a súa nova concentración de scooters, motos e clásicas que coincide sempre coa celebración da Festa da Faba, o sábado 1 e domingo 2 de outubro.
Durante a xornada do sábado 1 contarán con scooters e motos clásicos que se poderán desfrutar desde ás 10.00 horas cunha exposición, probas de habilidade e máis sorpresas.
Xa ás 13.30 será o momento dos pinchos e a saída da ruta polo Val de Lourenzá para volver ao xantar campestre e a entrega dos premios. Así mesmo, haberá tempo de charla cos aventureiros que foron a Nordkapp, J. Aguirre e Cefe Martínez.
O domingo 2 de outubro volverá a exposición pero nesta ocasión de coches clásicos, e a ruta polo val para despois xantar no hotel Casa da Luz de Bretoña. Pola tarde volverán ao Concello laurentino e entregaranse os trofeos.
Para máis información será necesario chamar aos teléfonos 660 049 416, 689 008 073, 671 214 171 ou 669 452 430.
![programa vespafaba clasicos lourenza](https://amarinaxa.com/wp-content/uploads/thumbs/2022/09/programa-vespafaba-clasicos-lourenza-200x264.jpg)