Viveiro convoca o VII Concurso de fotografía Traballos e Mulleres
Viveiro convoca o VII Concurso de fotografía Traballos e Mulleres o cal se diríxese a fotógrafos aficionados que deberán presentar fotografías sobre a temática da muller e do traballo, tanto no ámbito público como privado.
O Concello de Viveiro pretende con este concurso visibilizar o papel feminino en todos os sectores da sociedade.
Cada participante poderá participar cunha soa obra e o prazo de recepción de orixinais no CIM finalizará o 1 de marzo de 2022.
Concederanse tres premios, de 300, 150 e 100 euros, ademais dun galardón á obra máis votada polo público de 100 euros.
O publico outorgará este premio especial en virtude dos votos emitidos no perfil de Facebook Programación Cultural do Concello de Viveiro entre o 8 e o 13 de marzo, no que se amosarán todas as fotografías participantes.
Os participantes xa poden compartir as súas imaxes. As persoas interesadas deben dirixirse á web https://fotografia.traballosemulleres.com/ cubrir o formulario cos seus datos e subir a fotografía coa que desexen participar. Na web tamén se atopan as bases deste certame.
VII CONCURSO DE DEBUXO ESCOLAR MAMÁ TRABALLADORA
Así mesmo, convoca o concurso de debuxo escolar máma traballadora no que poderán participar todos e todas os alumnos e alumnas de 3º, 4º, 5º e 6º de Educación Primaria dos diferentes centros escolares do Concello.
Cada centro escolar fará unha preselección de debuxos, elixindo cinco propostas para cada unha das categorías e establécese que cada gañador de cada unha das categorías leve un diploma e lote de material escolar.
Con motivo do Dia Internacional da Muller Traballadora, o 8 de marzo, o Concello de Viveiro montará unha Exposición cos debuxos presentados e, no momento da clausura de dita Exposición, darase a coñecer o debuxo gañador en cada categoría.