Viveiro será o punto de encontro para os afeccionados aos quebracabezas
O vindeiro domingo 23 de febreiro, Viveiro converterase no punto de encontro para os afeccionados aos quebracabezas co III Concurso de Puzzles, organizado por Doctor Panush en colaboración coa Asociación Española de Puzzles (AEPuzz).
O evento dará comezo ás 10.00 horas coa categoría por parellas (500 pezas). A continuación, ás 12.00 horas, será a quenda das categorías infantís: Infantil A (150 pezas), Infantil B (300 pezas) e a categoría individual (500 pezas). Xa pola tarde, terá lugar a competición por equipos, na que os participantes se enfrontarán ao reto de completar quebracabezas de 1000 pezas.
Haberá premios para as tres primeiras posicións de cada categoría. Os interesados poden obter máis información ou inscribirse a través do correo electrónico: hola@doctropanush.com.