Viveiro celebra o Domingo das Tortillas cunha xornada gastronómica e cultural

O evento inclúe unha visita á exposición de Xosé Luis Neira Brochs antes do xantar

O Seminario de Estudos "Terra de Viveiro" organiza o Domingo das Tortillas, unha xornada na que a gastronomía e a cultura se dan a man. O evento terá lugar o domingo 6 de abril de 2025 e contará cun menú variado no Restaurante Louzao (Area), onde a protagonista será a tortilla.

Antes do xantar, ás 13:00 horas, os participantes poderán visitar a exposición do artista Xosé Luis Neira Brochs na Biblioteca Municipal de Viveiro (Sala de exposicións). A saída cara ao restaurante está prevista para as 14:00 horas desde a Estación de Autobuses de Viveiro.

O prezo da actividade é de 30 euros para socios e 35 euros para non socios, e as entradas poden adquirirse en Aquilino MAPFRE.