VIA Alfoz organizou a décima edición da tradicional ofrenda floral en homenaxe ao 8M
![X Ofrenda Floral polo Día da Muller en Alfoz 2](https://amarinaxa.com/wp-content/uploads/2024/03/X-Ofrenda-Floral-polo-Dia-da-Muller-en-Alfoz-2.jpg)
VIA Alfoz organizou a décima edición da tradicional ofrenda floral na conmemoración do Día Internacional da Muller. O acto, contou coa presenza de Efigenia Maseda, membro de VIA Alfoz e actual alcaldesa, e os tamén concelleiros independentes Eliseo Lorenzo e Judit Casabella.
A ofrenda iniciouse cunhas palabras na voz de Carmen Geada, primeira concelleira independente por VIA Alfoz, e Concelleira de igualdade durante a lexislatura 2015-2019: "O día 8 de marzo celébrase o Día Internacional da Muller, refírese a mulleres correntes, como artífices da historia, e funde as súas raíces na loita diaria para a participación en pé de igualdade co home. A igualdade segue sendo unha quimera e continúan sendo as mulleres as que cobran menos por un traballo igual, teñen menor posibilidade de acceso a cargos directivos, tanto en empresas públicas como probadas, padecen menor presenza na vida pública e cada vez sofren maís violencia dentro e fora do seu fogar. Co movemento feminista aspírase a reivindicar que, sen nós, o mundo para. Muller, loitando mil batallas por dentro, con mil sorrisos por fóra, xamais nos rendemos ante a adversidade. A nosa valentía motívanos a enfrontar calquera realidade."