Verbenas, sardiñada e foliada popular: Covas, en Viveiro, presenta o programa para o San Xoán
![festas-fogos-artificiais-celebracion](https://amarinaxa.com/wp-content/uploads/2024/05/festas-fogos-artificiais-celebracion.jpg)
![](https://amarinaxa.com/wp-content/uploads/2024/05/festas_covas_viveiro.jpg)
Covas, en Viveiro, presenta o programa para as festas na honra a San Xoán Bautista que terá lugar do 22 ao 26 de xuño. A celebración comeza o día 22 cunha gran foliada popular a partir das 20.00 horas no campo da festa. O domingo haberá sesión vermú coa orquestra Trébol que tamén estará na verbena acompañada polo grupo Zona Zero.
A partir das 00.00 a veciñanza poderá gozar dunha gran lumeirada. O luns haberá pasacalles con Cacharela de Covas, misa solemne, procesión coa Banda da Misericordia e sesión vermú con Salsarena, que amenizará a noite xunto coa orquestra Marbella.
O martes haberá pasacalles con Non cho digo e Cacharela de Covas e sesión vermú con Costa Dorada, que actuará de novo pola noite. A partir das 20.00 horas poderase gozar dunha gran sardiñada no campo da pascua. O mércores 26 é o día do neno, no que haberá atraccións no campo da festa a prezos populares.
![festas_covas_viveiro](https://amarinaxa.com/wp-content/uploads/thumbs/2024/05/festas_covas_viveiro-200x327.jpg)