Vegadeo impulsa a Campaña de Compostaxe Doméstica 2026 para reducir residuos
O Concello de Vegadeo vén de poñer en marcha a Campaña de Compostaxe Doméstica 2026, unha iniciativa dirixida a fomentar a redución de residuos e o coidado do medio ambiente a través de prácticas sostibles no ámbito doméstico. A proposta busca implicar á cidadanía na correcta xestión dos residuos orgánicos, transformándoos nun recurso útil para hortas e xardíns.
O prazo para inscribirse estará aberto do 1 ao 28 de febreiro de 2026. As persoas interesadas poden realizar a inscrición de maneira telemática a través da páxina web www.compostaconcogersa.es ou de forma presencial na OMIC do Concello de Vegadeo, en horario de 10.00 a 15.00 horas.
Desde o goberno municipal destacan que esta campaña permite avanzar cara a un modelo máis responsable e respectuoso co entorno, reducindo a cantidade de lixo que chega aos colectores e promovendo hábitos sostibles desde os fogares.
Para ampliar información, o Concello pon á disposición da veciñanza o teléfono 900 141 414, o correo electrónico compostaje@cogersa.es
e a web municipal www.vegado.es. Desde Vegadeo fan un chamamento a sumarse a esta iniciativa ambiental e converter os residuos orgánicos nun recurso de valor para a comunidade.