Vegadeo acolle a II Festa do Remo coas mellores propostas de ocio e deporte
O Club Remeros do Eo organiza a II Festa do Remo, un evento que se celebrará os días 10, 11 e 12 de outubro no Parque de Medal, en Vegadeo, e que promete converterse nun encontro emblemático para a vila e os seus arredores.
Durante tres xornadas, os asistentes poderán gozar dunha variada programación que combina actividades deportivas, degustación de boa comida, música en directo e un ambiente familiar pensado para todos os públicos.
O club anima a veciños e visitantes a participar nesta celebración, apoiar o deporte local e compartir momentos de diversión e amizade nun espazo ao aire libre. Segundo explican desde a organización, trátase dunha oportunidade perfecta para desfrutar do remo e da cultura local ao mesmo tempo.
“Vide a disfrutar, apoia o deporte local e comparte con nós esta gran celebración. Esperámoste na II Festa do Remo”, destacaron os responsables do evento, que subliñan o espírito de convivencia e a ilusión por consolidar esta cita no calendario anual de Vegadeo.