Unha nova edición do concurso de fotografía 'O Mellor Recuncho de Mondoñedo'
O Concello de Mondoñedo, a través da Concellería de Cultura, convoca o IX Concurso de Fotografía 'O Mellor Recuncho de Mondoñedo' baixo o lema 'Elixe o lugar de Mondoñedo que máis che gusta' que ten por finalidade a elaboración dun calendario para o vindeiro ano 2025 coas mellores fotografías de recunchos da localidade. Segue aberto o prazo de presentación de orixinais ata o día 30 de novembro, inclusive.
As fotos presentaranse en soporte dixital no seguinte enderezo de correo electrónico: recunchosdemondonedo@gmail.com e deberase indicar no asunto “Concurso Fotografía 2024”. No corpo do correo incluirase o nome do/da participante e un número de teléfono de contacto. Unha foto por participante.
Desde o Concello Lembran que se deben enviar as fotos en formato jpg, tif ou bmp e cunha calidade de máis de 750Kb, co que non se envíen fotos descargadas das redes sociais propias ou que teñan pasado a través do whatsapp, xa que é moi probable que non teñan resolución suficiente como para poder logo facer o calendario, prégase que se envíen as fotos orixinais.
Haberá tres fotos gañadoras, con premio, e con todas as que se presenten farase o calendario do Concello do vindeiro ano. As bases completas na web do Concello de Mondoñedo.