Actualidade

Un alud de terra inutiliza o acceso á praia de San Bartolo. Caeu parte do muro xunto ao paseo marítimo aínda que este non se viu afectado

Segundo as primeiras investigacións, as fortes choivas destes días foron as causantes do desprendemento que se produciu no acceso á praia de San Bartolo, no Concello de Barreiros, sobre cuxa escalinata caeu parte do muro xunto ao paseo marítimo aínda que este non se viu afectado.

Foron terra e algunhas pedras os que se preciptaron sobre as escaleiras de acceso, polo que a primeira medida foi o valado da zona para evitar accidentes.

Polo de pronto, este desprendemento, que non causou vítimas, súmase a outros derrubes anteriores. O Concello, pola súa banda, que notificou o suceso aos responsables de Costas, esperará o seu informe para valorar a situación aínda que non se prevén máis problemas de avalanchas e que o paseo non corre perigo.