Troitas Bravas continúa á fronte da liga de billarda logo da súa segunda xornada
Por Daniel Rodríguez Saavedra
Coa VI edición do Aberto de Billarda A ceo aberto deu comezo a segunda xornada da LNB NorLeste.
Foi no campo de fútbol Manuel Luna de Pol, debidamente acondicionado para a ocasión, onde se deron cita setenta e tres palanadores (47 homes, 16 donas e 10 cativos).
Nunha fermosa mañá, so un pouco de vento puxo en algún aperto aos palanadores que porén souberon capear a situación con bo humor, e falando de humor destacar como sempre a Juncal, palanadora alegre onde as haxa que festexa cada golpe brincando polo campo e que por certo deu a de cal acadando o terceiro posto de donas por detrás das grandísimas estrelas Irea e Alba.
Por equipos os Troitas volven ser Bravas e gañaron con solvencia por diante de Carabullo e dos Billardeiros musicais, seguen a ser o equipo máis numeroso e difícil de bater.
Gañador absoluto foi Sachas con 24 punto e o actual Coroceiro Nacional David Navallo foi segundo con 22. Terceiro foi Sachas, do anfitrión Billarda Verde, logo dun desempate con Dani de Carabullo.
E Madia Leva non dá chance en infantís, os seus fenómenos Diego e Mateu só deixan libre o terceiro posto, ocupado nesta ocasión por un gran Mateo de Troitas.
Entrega de agasallos por parte de Manu aos gañadores e fin de festa emprazándonos para o vindeiro 20 de outubro que volverán xogar na Pontenova. Saúde e billarda sempre.
As clasificacións logo desta segunda xornada quedan así:
Individual:
- Félix (Billard. Musicais) 43 p.
- Sachas (Toitas Bravas) 41 P.
- D. Navallo (Toitas Bravas) 21 p.
Donas:
- Irea (Carabullo) 36 p.
- Alba (Troitas Bravas) 32 p.
- Aroa (Bill. Musicais) 24 p.
Equipos:
- Troitas Bravas (A Pontenova) 154 p
- Billardeiros Musicais (Ribadeo) 147 p.
- Carabullo (Ponte Outeiro) 147 p.
Infantís:
- Diego (Madia Leva) 35 p.
- Mateu (Madia Leva) 31 p.
- Antía (Troitas Bravas) 11 p.