Terras de Lourenzá organiza a ruta da Algara
![terras de lourenza sendeirismo 1](https://amarinaxa.com/wp-content/uploads/2022/02/terras-de-lourenza-sendeirismo-1.jpg)
A Asociación de Sendeirismo Terras de Lourenzá organiza para o vindeiro sábado 5 de agosto a ruta da Algara que será duns 10 quilómetros de distancia e de dificultade baixa.
Ao rematar a camiñata haberá unha cea no recinto feiral de Vilanova. Para participar é necesario anotarse chamando aos teléfonos nos 619 828 784 ou 619 378 029.
Ademais xa teñen preparado as seguintes rutas que serán polo río Ouro o 3 de setembro, Aller durante o 22 ao 24 de setembro, polo río Agüera o sábado 21 de outubro, achegaranse ao Bierzo do 10 ao 12 de novembro e visitarán o Mogallón no Vicedo o 16 de decembro.
A asociación convida a todas as persoas que lles guste camiñar e rodearse de natureza a unirse á súa familia de camiñantes. E lembran que o calendario pode estar suxeito a cambios por imprevistos ou reaxustes climatolóxicos.
![sendeirismo lourenza agosto](https://amarinaxa.com/wp-content/uploads/thumbs/2023/07/sendeirismo-lourenza-agosto-200x266.jpg)