Silvia Penide e Carla López poñen en valor ás grandes artistas no seu concerto no Vicedo

O Vicedo continúa coa súa programación sociocultural neste mes de agosto. Ademais de apostar polo programa Mércores de Natureza con distintas rutas e dun concurso de figuras de area, os concertos tampouco van a faltar nesta semana. Dende o Concello programan a actuación As Mulleres Creadoras da man de Silvia Penide e Carla López.
Este concerto funciona como unha viaxe pola música e as letras de grandes artistas femininas, referentes para moitas e de gran traxectoria, como son Amaral, Ses, Guadi Galego, Patti Smith. Estes temas estarán postos na voz dunha das mellores cantantes galegas e dunha gran pianista. O concerto, que é de balde, terá lugar na terraza da Casa da Cultura do Vicedo, o vindeiro xoves 22 de agosto a partir das 21.00 horas.