Cultura

Chega a Viveiro o programa estival de visitas guiadas, que terá lugar desde o 1 de xullo ata o 30 de setembro. 

Seguen as visitas guiadas por Viveiro, o programa estival que terá lugar ata o 30 de setembro. As actividades terán carácter gratuíto e levarán a cabo todos os días da semana. Un dos seus alicientes será a ampla variedade da proposta, que vai desde visitas culturais a roteiros de sendeirismo, pasando por itinerarios panorámicos en múltiples lugares de interese da localidade.

A primeira foi o xoves 1 de xullo e pudiuse viaxar no vivertren de Covas a Celeiro, mañá 8 de xullo será a ruta ao Monte Faro, o venres 9 polo casco histórico, o sábado 10 polo penedo do Galo e o domingo 11 polo cargadoiro da insua.

As visitas transcorrerán integramente en espazos abertos e respectaranse os límites de aforo, e en xeral, o normativa socio-sanitaria vixente. Para participar, é necesaria reserva previa chamando ao número de teléfono 634 631 461.

Calquera información adicional pode ser consultada no correo electrónico viveirovisitas@gmail.com.