Santa Comba de Órrea celebra o domingo a festa parroquial e de San Silvestre
A parroquia de Santa Comba da Órrea celebrará este domingo 28 de decembro unha xornada festiva con motivo da honra a Santa Comba e San Silvestre. Os actos darán comezo ás 14:00 horas cunha misa solemne.
Ao remate da celebración litúrxica, a xornada continuará cunha sesión vermú amenizada con música en directo, creando un ambiente festivo e de convivencia pensado para todos os públicos. A organización convida á participación de veciños e visitantes para compartir unha tarde de encontro, música e celebración nunha data sinalada para a parroquia.
Desde a organización destacan o carácter aberto e acolledor da convocatoria, que combina tradición, música e convivencia, e animan a toda a xente a achegarse a Santa Comba da Órrea para gozar desta cita festiva.