San Román acolle un magosto con degustación de castañas e actuación musical
AMariñaXa
A tempada dos Magostos chega tamén ao Concello de Cervo.
![castañas](https://amarinaxa.com/wp-content/uploads/2022/11/castanas.jpg)
19 Out 2023
A tempada dos Magostos chega tamén ao Concello de Cervo. A Comunidade de Montes de San Román organiza a súa propia celebración o vindeiro 21 de outubro.
O evento, que conta coa colaboración do Concello, será en horario de tarde e comezará a partir das 18.00 horas. Toda a xornada desenvolverase no pavillón de San Román para todos os que se queiran achegar.
Os asistentes gozarán dunha tradicional degustación gratuíta de castañas, porén a programación tamén recolle unha actuación da man dos Acordeonistas da Mariña que poñerán o toque musical na cita.
![concello de cervo magosto san roman](https://amarinaxa.com/wp-content/uploads/thumbs/2023/10/concello-de-cervo-magosto-san-roman-200x281.jpg)