San Miguel de Reinante acolle o Diversiprix, espazo de ocio inclusivo que vela pola equidade
AMariñaXa
Participaron 10 equipos de toda A Mariña e Asturias, 60 xogadores e máis de 100 espectadores na cita da Asociación Guillem Veiga Iglesias
![Diversiprix](https://amarinaxa.com/wp-content/uploads/2024/06/Diversiprix.jpg)
25 Xuño 2024
San Miguel de Reinante acolleu a primeira edición do Diversiprix da Asociación Guillem Veiga Iglesias, un espazo de ocio inclusivo que vela pola equidade e a participación de todos. Participaron 10 equipos de toda A Mariña e Asturias, 60 xogadores e máis de 100 espectadores que se deron cita nun novo concepto de ocio.
Foron equipos diversos onde uns tiñan discapacidade e outros non, onde todos tiñan capacidades diferentes pero participaron como iguais. A organización adaptou os materias facéndoos accesibles a todos e conviviron escritura, braille e pictogramas. Deste xeito, crearon un espazo onde enredarnos como iguais.