Ribadeo realizou traballos para a conservación e a posta en valor do patrimonio
![vagoneta Ribadeo](https://amarinaxa.com/wp-content/uploads/2021/05/vagoneta-Ribadeo-1.jpg)
As Concellarías de Cultura e Obras realizaron traballos para a conservación e a posta en valor do patrimonio ribadense.
A concelleira de Cultura, Pilar Otero, explicou que “traballamos na recuperación de dúas vagonetas e un canón, que permanecían en dependencias municipais e que agora poden verse no Cargadoiro e no Forte de San Damián”.
A concelleira de Obras, Mónica Freire, indicou que “esta semana instaláronse nos espazos que se cren máis acaídos. As vagonetas na contorna do Cargadoiro, debido á súa vinculación ao tren mineiro, e o canón no adro do Forte de San Damián”.
Ambas edís consideran que “con estes elementos enriquécese unha zona de moita afluencia de paseantes, un fluxo que se dá todo o ano e que se incrementa coa chegada bo tempo”.