Ribadeo celebra o San Roque con desfile de cabezudos, sesión vermú e verbena

A partir das 11.00 horas os veciños e visitantes poderán gozar da saída dos Cocos e Cabezudos acompañados pola música do grupo de gaitas Illa Pancha

Ribadeo celebra o San Roque este venres día 16. A partir das 11.00 horas os veciños e visitantes poderán gozar da saída dos Cocos e Cabezudos acompañados pola música do grupo de gaitas Illa Pancha. A partir das 12.00 horas terá lugar a misa solemne, seguida da procesión e do concerto da Banda Municipal de Ribadeo. O programa continúa coa sesión vermú da man do Dúo Venus. Xa á noite, a partir das 22.30 terá lugar a verbena amenizada polo dúo Venus e o grupo Fénix, mentres que Litainer será o encargado de poñer o punto e final á xornada.