Ribadeo abre a inscrición para as actividades de “Preto de Ti
O Concello de Ribadeo abriu o prazo de inscrición para participar nas actividades de “Preto de Ti”, que se desenvolverán do 22 ao 30 de setembro. A concelleira de Benestar Social, Elena Sierra, sinala que esta nova edición comezará o próximo 6 de outubro e se estenderá por todas as parroquias do municipio.
Entre as propostas desta edición destacan os talleres de memoria e ximnasia, ademais das charlas de saúde que impartirá a enfermeira municipal, María Roel. A primeira sesión abordará o tema dos accidentes domésticos, unha cuestión de gran interese para a veciñanza.
A edil ribadense anima a todas e todos os veciños a sumarse a estas actividades, subliñando que son unha oportunidade para aprender, gozar e compartir bos momentos cos amigos e veciños das parroquias. A inscrición está aberta de 9:00 a 15:00 horas a través do número de teléfono 625 10 42 74.