Renovado o peche exterior do CEIP Plurilingüe Virxe do Carme de Burela
![2 CEIP Plurilingüe Virxe do Carme de Burela](https://amarinaxa.com/wp-content/uploads/2023/02/2-CEIP-Plurilingue-Virxe-do-Carme-de-Burela.jpg)
Recentemente substituiuse o peche exterior do CEIP Plurilingüe Virxe do Carme de Burela cun investimento de preto de 39.000 euros.
Os traballos consistiron na demolición do peche de formigón, que se atopaba en mal estado, e a instalación dun novo valado metálico de case 300 metros de lonxitude, formado por paneis ríxidos de 1,5 metros de altura galvanizados en quente para que sexa máis resistente ás condicións ambientais.
A Consellería de Cultura, Educación, Formación Profesional e Universidades xa actuara sobre algúns elementos do acceso no marco das obras de reforma integral acometidas hai tres anos, ás que destinou 860.300 euros. Entre outras melloras, ampliouse a entrada desde a rúa das Escolas para permitir o paso de vehículos de grandes dimisións e camións.
![CEIP Plurilingüe Virxe do Carme de Burela](https://amarinaxa.com/wp-content/uploads/thumbs/2023/02/CEIP-Plurilingue-Virxe-do-Carme-de-Burela-200x104.jpg)