Remataron as obras de eficiencia enerxética do edificio do peirao norte de usos múltiples do porto de Celeiro
A Confraría de Pescadores de Celeiro comunicou que esta semana remataron as obras de mellora de eficiencia enerxética do edificio do peirao norte de usos múltiples náutico-pesqueiros. O proxecto foi financiado polo FEMP ao 75% , e a Xunta de Galicia o 25% por un importe total de 512.800 euros.
As obras da actuación integral realizadas na infraestrutura portuaria do peirao norte considéranse de carácter estratéxico e permitiron á entidade pesqueira que preside Rey Seijas, renovar o edificio de usos náutico-pesqueiros a través do proxecto de mellora enerxética ao amparo de axudas de eficiencia enerxética, protección do medio ambiente, seguridade e condicións de traballo, calidade e rastreabilidad dos produtos da pesca. Sen dúbida as obras acometidas no edificio serven para mellorar a operatividade do mesmo.
Este edificio acolle actividades ligadas ao funcionamento do sector pesqueiro tales como almacéns, subministracións navais, oficinas para armadores e empresas do sector, e mesmo actividades de formación náutico-pesqueira.
O investimento realizado no edificio permitiu emendar os problemas de salubridade que existían na instalación debido ao paso do tempo, pois a construción do edificio data dos anos oitenta, e a mellora vai redundar notablemente na mellora do confort e seguridade no traballo dos operarios que a diario utilizan a infraestrutura.
A través das obras substituíuse toda a cuberta que había de uralita por uns modernos paneis mariños tipo sandwich, renováronse baixantes e canalóns, portas de aceiro inoxidable, pintado exterior e interior, renovación de instalación eléctrica, obras de carpintería exterior, colocación de novas fiestras de aluminio, selado con pinturas intumescentes, substitución de luminarias por modernas tipo led.… etc.
A renovada instalación albergará en breve tamén locais para un centro de formación náutico-pesqueira en substitución do desaparecido centro Vicente Gradaille, con esta actuación quérese prestar un servizo a pé de peirao ao colectivo pescador facilitando o acceso aos certificados habilitantes en materia pesqueira.
