Regresan os Seráns de Teatro ao Concello de Ribadeo
AMariñaXa
O Grupo de Teatro A Adala Futura, de Fazouro, porá en escena a obra 'Rosalía Café'
10 Jan 2025
O Concello de Ribadeo presenta a súa axenda cultural para este fin de semana. Este domingo, 12 de xaneiro, volven os Seráns de Teatro. Así, o Grupo de Teatro A Adala Futura, de Fazouro, porá en escena 'Rosalía Café' a partir das 19.00 horas na Escola de Vilaframil.
Este sábado 11 de xaneiro, a Biblioteca Municipal El Viejo Pancho acollerá a presentación do libro 'Entre a memoria e o esquecemento', de Guiomar Acevedo. No acto intervirán tamén Carlos Méixome Quinteiro e Mario López Rico. Esta actividade está organizada pola agrupación cultural Francisco Lanza coa colaboración do Concello de Ribadeo.