Regresa o Festival de Sargadelos con máis forza que nunca
![festival sargadelos Cervo 2022 1](https://amarinaxa.com/wp-content/uploads/2022/07/festival-sargadelos-Cervo-2022-1.jpg)
Regresa o Festival de Sargadelos con máis forza que nunca despois da interrupción provocada pola pandemia, e programan unha fin de semana chea de actividades diversas e para toda a familia.
O festival comezará o sábado 23 de xullo á tardiña cunha Foliada Tradicional. O domingo será o Día Grande que comezará con deporte da man do II Trail de Sargadelos e da Andaina, que partirán ás 9:00 horas e ás 9:30 horas, respectivamente. Está aberta a inscrición no enlace https://ccnorte.com/...
A continuación todos os visitantes poderán degustar as marabillosas espetadas mouras que con tanto agarimo van preparar os colaboradores da asociación Amigos da Troula.
Á tardiña darán comezo os concertos da man de XMaseda65, para seguir con Cachas & Cousins, Joni Ramos & Sunday Morning Club, Gin Toni's e rematar coa guinda do pastel, King África. Ao remate amenizará a Disco Movil Conxuro.
Para rematar, na xornada do luns, a sesión vermú correrá a cargo do grupo JB Son.
A cita foi presentada polo rexedor, Alfonso Villares, pola edil de Cultura e o concelleiro de Deportes, David Rodríguez, e Dolores García Caramés, respectivamente, e por unha representación da asociación Amigos da Troula, colaboradores do Festival.