Recollen doazóns de sangue na Pontenova o martes
AMariñaXa
O Concello da Pontenova anuncia que unha unidade móbil de doazón de sangue instalarase a carón da praza dos Fornos
doazon sangue
13 Nov 2022
A unidade móbil de doazón de sangue estará o vindeiro 15 de novembro na Pontenova para recoller as doazóns dos veciños e veciñas que así o desexen, sempre que sexan maiores de 18 anos e con máis de 50 quilos de peso.
Así, estará situada na praza dos Fornos en horario de 16.00 a 21.00 horas.
O servizo lembra que para doar sangue hai que almorzar e despois de xantar esperar dúas horas. Hai que presentar DNI ou documento similar ou, no seu caso, tarxeta de doante.
Aquelas persoas interesadas en realizar unha doazón deben solicitar cita previamente, chamando ao número gratuíto 900 100 828.