Programan na Pontenova cursos de natación para nenos e adultos

Teñen un prezo de 45 euros toda a tempada ou de 15 por semana

A Pontenova abre o prazo para anotarse nos cursos de natación que teñen lugar na piscina municipal. Os cursos, que se realizan luns e xoves, están dirixidos a nenos e adultos e hai prazas limitadas, polo que os interesados poden anotarse antes do 11 de xullo.

Haberá grupos de perfeccionamento de 12.30 a 13.15, de iniciación de 13.15 a 14.00 e de adultos de 20.00 a 20.45. Comezarán o 15 de xullo e prolongaranse ata o 9 de agosto. Teñen un prezo de 45 euros toda a tempada ou de 15 por semana. Os interesados poden pedir máis información no bar da piscina ou no 686 665 277.