Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
A covid resístese a baixa e mantense por riba dos dous mil casos reducindo a súa incidencia de forma somera e facendo notar os efectos das celebracións de entroido. Os casos novos seguen altos e a hospitalización continúa co seu continuo cambio de tendencia.
Así, hoxe hai 2.125 casos activos, 6 menos que onte, con 256 novos contaxios e 262 altas. Onte os casos subiron en 90, con 233 novos contaxios e 141 altas.
Ademais, dende que comezou a pandemia, no mes de marzo do 2020, hai 52.876 casos rexistrados e 312 persoas falecidas.
A presión hospitalaria redúcese. Nas UCI seguen a ser 3 pacientes e en planta son 37 (6 menos), 22 no de Lugo (2 menos), 5 na Mariña (3 menos) e 10 en Monforte (1 menos).
POR COMARCAS
Primeiras subidas claras dende nas últimas semanas. Así, gromo importante en Viveiro, que suma en 24 horas 54 enfermos, Lugo suma 16 e Xove 15. Compensa unicamente a baixada pronunciada da Fonsagrada, con 15 positivos menos.
Limpos de covid son un concello máis: Pedrafita, Muras, Paradela, Samos, Antas de Ulla, Sober e Ribeira de Piquín.
Descende o número de concellos con menos de 10 positivos, son 19, catro menos que onte.
A Mariña
- Alfoz: 13 casos (1 máis).
- Barreiros: 10.
- Burela: 59 (1 máis).
- Cervo: 28 (1 máis).
- Foz: 58 (3 máis).
- Mondoñedo: 29.
- O Valadouro: 33 (2 menos).
- O Vicedo: 15 (1 máis).
- Ribadeo: 33 (1 máis).
- Riotorto: 12.
- Trabada: 10.
- Viveiro: 168 (54 máis).
- Xove: 29 (15 máis).
- Por debaixo de dez: A Pontenova, Lourenzá e Ourol.
Terra Chá
- A Pastoriza: 33 (3 menos).
- As Pontes: 74 (4 máis).
- Begonte: 14 (1 menos).
- Castro de Rei: 53 (4 menos).
- Cospeito: 16 (1 menos).
- Friol: 14 (2 menos).
- Guitiriz: 17.
- Muras: Unha semana limpo.
- Outeiro de Rei: 32 (1 menos).
- Vilalba: 135.
- Xermade: 11 (2 menos).
- Por debaixo de dez: Abadín, Meira, Pol e Rábade.
Comarca de Sarria
- Láncara: 10 casos (1 menos).
- O Páramo: 10 (2 menos).
- Pradela: Unha semana sen casos.
- Samos: Unha semana sen casos.
- Sarria: 102 (1 máis).
- Por debaixo de 10: O Incio, e Triacastela.
Centro da provincia
- A Fonsagrada: 48 positivos (15 menos).
- Antas de Ulla: Unha semana limpo.
- As Nogais: 12.
- Baralla: 21 (1 menos).
- Becerreá: 18 (3 menos).
- Castroverde 12 (1 menos).
- Guntín: 11.
- Lugo: 1009 (16 máis).
- O Corgo: 20 (4 menos).
- Palas de Rei: 10.
- Pedrafita: Quince días sen casos.
- Portomarín: 11.
- Ribeira de Piquín: Unha semana limpo.
- Por debaixo de 10: Baleira, Cervantes, Monterroso, Navia de Suarna e Negueira de Muñiz.
Ribeira Sacra
- A Pobra do Brollón: 13 enfermos (2 menos).
- Carballedo: 19 (2 máis).
- Chantada: 74 (5 máis).
- Monforte: 159 (6 menos).
- O Saviñao: 31 (2 menos).
- Sober: Unha semana sen contaxios.
- Taboada: 14 casos (1 máis).
- Por debaixo de 10: Bóveda, Folgoso do Courel, Pantón, Quiroga e Ribas de Sil.
RESTRICIÓNS
- Certificado covid só en centros sanitarios.
- Uso de máscaras só obrigatorio en interior.
- A cuarentenas serán de 7 días (en lugar de 10).
