Portocelo, en Xove, celebra as súas patronais con El Combo Dominicano e Kalima 3.0
Portocelo, en Xove, celebra as súas festas. A romaría na honra da Nosa Señora terá lugar esta fin de semana e está organizada pola asociación de festexos A Medorra e conta coa colaboración do Concello. Este venres terán a Festa do Langostino e do Churrasco dende as 20.00 horas.
De seguido, desfrutarán da música da man do dúo Epo-K e a orquestra Galilea. O sábado haberá bombas de palenque dende as 10.00 horas, misa e sesión vermú con Kalima 3.0. A partir das 18.00 horas, organizan o campionato de bolos. A verbena estará amenizada por Kalima 3.0, El Combo Dominicano e disco móbil Conxuro.O domingo rematarán a romaría con bombas de palenque e sesión vermú prolongada co Dúo Son de Festa.
Na presentación do cartaz estaban presentes os membros da comisión organizadora, a Asociación de Festexos A Medorra, Jordi Meitín, Julio Lamelas e Borja Cociña, acompañados polo alcalde de Xove Demetrio Salgueiro e as concelleiras Dolores Meitín e Cecilia Duarte.
