Poñen en marcha no Valadouro un espazo compartido para os produtores locais

A actuación consistirá no acondicionamento dunha aula para facer unha sala de envasado de produtos vexetais

No marco do programa ...E para vivir Lugo a Xunta de Goberno da Deputación de Lugo deu o visto bo a unha colaboración co Valadouro –un dos concellos pilotos do proxecto- para a posta en marcha dun espazo compartido para os produtores locais.

A actuación consistirá no acondicionamento dunha aula para facer unha sala de envasado de produtos vexetais e o seu equipamento e o acondicionamento dun faldón da cuberta da escola de agricultura ecolóxica. A institución investirá para esta actuación un total de 32.535 euros e o Concello do Valadouro cofinanciará o proxecto con outros 3.769,99 euros.