Pensamento e Sementeira inaugura unha mostra polo Día do Orgullo en Viveiro

Está composta por trece paneis expositivos arredor da primeira manifestación do Orgullo que tivo lugar en Galicia

O Colectivo Pensamento e Sementeira organiza a exposición Tomorrow Night Stonewall. Unha ollada á primeira manifestación do Orgullo en Galicia, en conmemoración do Día do Orgullo. A mostra, que conta coa colaboración do Concello, está composta por trece paneis expositivos que dan conta dos precedentes, recortes de prensa, testemuños gráficos e outras fontes de información arredor da primeira manifestación do Orgullo que tivo lugar en Galicia, en Vigo no ano 1981.

A mostra pode visitarse na Sala de Exposicións da Biblioteca Municipal de Viveiro desde este venres, 28 de xuño, no horario de apertura do edificio (de luns a venres de 8.00 a 15.00). Permanecerá aberta ata o próximo 12 de xullo.