Pasada das Cabras de Burela organiza unha ruta pola vía verde do ferrocarril do Eo
A asociación Pasada das Cabras, de Burela, organiza unha nova ruta para o 15 de xaneiro. Este roteiro será de 14 quilómetros e pasará pola vía verde do ferrocarril do Eo.
É unha ruta moi recomendada para desfrutar en familia xa que conta con natureza xunto cunha pequena mostra da arquitectura industrial do século XX: saltos de auga, túneles, escalas de salmóns e belas pontes colgantes.
A saída será ás 8.30 horas da Estación de Autobuses de Burela e é necesario anotarse para este roteiro en Gráficas Arfe ou chamando aos teléfonos 982 580 504 e 657 821 194.
Dende a organización lembran que é imprescindible levar o certificado covid para poder entrar no restaurante para o xantar. O prezo da ruta é de 25 euros para socios e 30 para os que non o sexan, e inclúe o autobús, o almorzo e o seguro.