Papá Noel fixo parada nos colexios de Cervo e San Cibrao

Recolleu uns detalles no centro de Saúde Mental A Mariña para repartir entre os máis pequenos

Xa se vive a maxia do Nadal en cada recuncho da comarca da Mariña e Papá Noel percorre as distintas vilas para visitar aos máis pequenos. Os colexios de Cervo e San Cibrao recibiron a visita de Papá Noel nunha cita obrigada coas crianzas.

Ante de estar nese momento cheo de ilusión, xa fixera parada co seu elfo no centro de Saúde Mental A Mariña onde lle tiñan preparados uns detalliños para levar a cada neno e nena que se fixeron con todo cariño na asociación.