Ourol acollerá a Festa Motor Clásico
O Club Clásicos de Viveiro "despois de tempo de descanso" volve poñerse as pilas para organizar os eventos do próximo ano 2025.
Adiantan o cartel do primeiro deles para que garden a data 26 de Abril 2025 en Ourol: "Esta vez cambiamos o formato das anteriores Xuntanzas que eran de mañá con sesión vermuth, por formato de todo o día con comida e amenizando tanto o vermú como a noite con verbena, cunha gran orquestra como é Zona Cero e un gran DJ de Disco Movil Olympo.
Como sempre o cátering esta a cargo de Espectáculos Seiramar ao cal agradecemos a súa incansable colaboración con este club e sabemos que será todo un manxar como de costume".
Tamén agradecen ao Concello de Ourol por facilitar os seus espazos e medios para poder realizar o evento do mesmo xeito que en anteriores ocasións.
"Esperámosvos a todos para pasar un gran día xuntos, tanto a comida como o espectáculo musical esta aberto a todos os públicos veñan en coche clásico ou non. Sacaremos máis novidades e información para que poidades realizar vosas reservas", trasladan.