Osa do Mar aposta por "dar espazo as bandas galegas e a música en galego e a artistas locais"
![Presentación-Osa-do-Mar-Burela-2024](https://amarinaxa.com/wp-content/uploads/2024/07/Presentacion-Osa-do-Mar-Burela-2024.jpg)
O deputado de Mocidade, Daniel García, participou esta tarde na presentación do festival Osa do Mar, que se celebrará do 6 ao 8 de setembro en Burela co apoio da Vicepresidencia da Deputación de Lugo.
No acto, que contou coa actuación do grupo Abril, o responsable provincial valorou a traxectoria do festival que cumpre dez edicións, remarcando "a súa orixe no tecido asociativo, na Asociación Cultural Fanto Fantini" e a aposta por "dar espazo as bandas galegas e a música en galego e tamén a artistas locais".
Neste sentido, explicou que "para a Vicepresidencia da Deputación de Lugo é prioritario dar apoio ás iniciativas do asociacionismo, ligadas ao territorio e á comunidade, que son as que teñen unha maior pegada cultural e social".
Así, a Vicepresidencia da Deputación de Lugo apoia a organización do festival Osa do Mar desde a primeira edición. Nesta anualidade, a área de Mocidade destina 14.000 á Asociación Cultural Fanto Fantini.
CONSULTA TODO O PROGRAMA PREMENDO AQUÍ