O grupo Querido e Ortiga, últimos confirmados para o Osa do Mar 2025

O festival burelá xa ten outros nomes anunciados como Mujeres, Pipiolas ou Repion

O festival Osa do Mar 2025, que terá lugar os días 5, 6 e 7 de setembro, xa anuncia artistas no seu cartel. Veciñas e veciños de Burela poderán desfrutar da banda Querido, do rap de Las Ninyas del Corrode, de Ortiga, de Mujeres, de Pipiolas e de Repion.

Seguirán chegando novos nomes de artistas que encherán a praza do Concello de Burela de xente para gozar. Como quedará o cartel final? Irán desvelando desde a asociación organizadora do festival Fanto Fantini, que informa de que xa está dispoñible a venda de entradas.