Os xuvenís xogarán o torneo Burela Bonita a partir do 23 de agosto e os cadetes viaxan a Valladolid
As 'xoias' ou xogadores do Burela tamén se están poñendo mans á obra coa pretempada. Os conxuntos Xuvenil e Cadete do Pescados Rubén Burela FS volveron á pista de Vista Alegre para poñerse a punto; os primeiros xa levan unha semana de adestramentos e os segundos comezaron onte pola tarde. Os xuvenís serán os primeiros en estrear a axenda de amigables, co Torneo Burela Bonita (23-25 de agosto).
Xunto aos Cadetes, tamén disputarán o Torneo Ciudad del Deporte de Valladolid, do 31 de agosto ao 1 de setembro.
MATRÍCULA. A matrícula da Escola Laranxa para o vindeiro curso estará aberta ata o 30 de agosto para as categorías Chupete (2016), Biberón (2014-15), Prebenxamín (2012-13), Benxamín (2010-11), Alevín (2008-09), Infantil (2006-07) e Cadete (2004-05).
Os interesados en apuntarse poden descargar o formulario e atopar toda a información en www.burelafs.org.