Os veciños de Burela poderán ver de balde este venres o musical 'La Sirenita'
AMariñaXa
O musical 'De ellos aprendí' chega ao auditorio de Burela. Será o domingo 13 de marzo ás 18.00 horas e as entradas xa están dispoñibles
28 Dec 2023
O Concello de Burela anuncia que os veciños e veciñas de Burela poderán ver de balde este venres o musical La Sirenita.
A compañía organizadora informou recentemente ao concello de que o ritmo de venda das entradas non era o esperado, e ambas partes chegaron a un acordo para que o musical siga adiante, gratuíto e baixo a organización do concello.
A empresa poñerase en contacto para devolverlles os cartos coas persoas que compraron a entrada. A casa da cultura de Burela acolle esta representación o venres, 29 de decembro, ás 18:30 horas.
O espectáculo repasa as mellores cancións do coñecido clásico da animación, da man dun equipo de profesionais do teatro musical. Será unha ocasión perfecta para gozar con toda a familia na época do Nadal.