Os traballadores do servizo do lixo en Viveiro ameazan cunha folga se non melloran as condicións salariais
Os traballadores da empresa encargada da recollida de residuos en Viveiro avisan de que se FCC mantén a súa postura inflexible, veranse obrigados a convocar unha folga indefinida na última semana de marzo e durante a próxima Semana Santa, nun período no que o municipio triplica a súa poboación.
A empresa que presta o servizo de recollida de lixo no concello conta con 30 traballadores, cuxos representantes sindicais consideran que as negociacións están rotas neste momento.
O secretario territorial de Servizos Públicos da Unión Xeral de Traballadores (UGT), Eliseo Rivas Pernas, critica a actitude da compañía, á que reclaman incrementos salariais similares aos que reciben os empregados públicos, e que a firma non está a ofrecer.
FCC propón un aumento do 2,5 % para o ano 2026, ningún incremento para o primeiro semestre de 2027 e un 4,5 % entre xullo e decembro dese mesmo ano, polo que o alza anual quedaría nun 2,2%, ao aplicarse só no segundo semestre. Para 2028 a empresa non contempla ningún incremento e para 2029 só ofrece un 1,5 %.
Ademais, os empregados exixen que en outubro se lles abone o incremento correspondente ao primeiro semestre, dado que os funcionarios teñen unha paga consolidada de 300 euros nese mes.