Os traballadores de Vestas seguen coas protestas diarias

Animan a todos os veciños da comarca a apoiar a manifestación que os traballadores de Vestas levarán a cabo o sábado 2 de outubro

Os traballadores de Vestas seguen coas súas manifestacións en protesta ao peche da fábrica danesa asentada en Chavín. Este peche suporá o despedimento de 115 empregados.

Así, un grupo de traballadores fixeron unha queima de pneumáticos fronte á entrada da factoría para protestar contra o peche da factoría e contra a negativa da directiva a negociar.

Esta situación suporía un agravamento da situación da industria e do emprego non só na Mariña, senón tamén en moitos concellos próximos da comarca de Ortegal.