Os Sendeiros de Foz organizan unha nova andaina pola Ruta da auga de Guitiriz

Os interesados en participar nesta ruta teñen ata o 15 de xaneiro para anotarse

Os Sendeiros de Foz organizan unha nova andaina pola Ruta da auga de Guitiriz, o vindeiro domingo 19 de xaneiro de 2025. A saída será ás 8.00 horas desde o Cenor Belianorte de Foz e desde ás 8.15 horas de Ferreira.

O prezo para socios federados é de 40 euros, non federados 45, e socios temporais 50 euros. O prezo inclúe o xantar.

Para participar é obrigatorio anotarse antes do mércores 15 de xaneiro chamando aos teléfonos 606 718 482 ou 670 369 017, ou a través do correo electrónico ossendeiros@yahoo.es.

Desde os Sendeiros de Foz recomendan levar equipo de sendeirismo malia que é unha ruta sinxela.