Os Manolos de Mondoñedo volven xuntarse para celebrar a súa tradicional comida anual
A cidade de Mondoñedo acolleu un ano máis a tradicional xuntanza dos Manolos, unha cita xa consolidada no calendario social local e que serve para celebrar a onomástica de todas aquelas persoas que levan por nome Manuel. Nesta ocasión, a Taberna do Valeco foi o escenario elixido para unha comida de confraternización que reuniu a 36 participantes, procedentes de distintos barrios e xeracións da vila.
A diversidade de idades foi unha das notas destacadas do encontro. O participante de maior idade foi Manuel Ernesto García, veciño do barrio do Couto, que aos 92 anos non quixo faltar a esta celebración tan especial. No extremo oposto situouse Manolo Vázquez, de 26 anos, coñecido tamén pola súa faceta deportiva como xogador do Mondoñedo C.F., representando así á xeración máis nova dos Manolos mindonienses.
Esta iniciativa, que se vén repetindo desde hai anos, converteuse nunha tradición marcada polo bo ambiente, a convivencia e o orgullo de compartir nome nun contexto festivo e distendido. A comida serviu, unha vez máis, para reforzar lazos de amizade, intercambiar lembranzas e manter viva unha costume singular que forma parte da identidade social da cidade.