Os cativos da escola municipal de Cervo tamén foron protagonistas no San Xoán

Os pequenos e pequenas da escola municipal desfrutaron da súa propia festa

Os cativos de Cervo tamén foron protagonistas no San Xoán, unha das festividades con máis arraigo en toda a comunidade galega. Os pequenos e pequenas da escola municipal desfrutaron da súa propia festa.

Seguindo as tradicións desta Noite Máxica, comeron sardiñas e saltaron a súa particular fogueira. Conseguiron gozar así dunha mañá diferente e divertida.