Os Cabaleiros do Landro de Viveiro cancelan as actividades equestres programadas
TerraChaXa | LugoXa | AMariñaXa
A asociación Cabaleiros do Landro vén de comunicar a cancelación de dous eventos programados para setembro e outubro.
31 Ago 2020
A asociación Cabaleiros do Landro vén de comunicar a cancelación de dous eventos programados para setembro e outubro.
Así, a II Carreira de Cabalos Cidade de Viveiro que se ía celebrar o 12 e 13 de setembro e a terceira edición da ruta cabalar de Viveiro que sería o día 3 de outubro non se celebrarán por mor do coronavirus.
A Carreira de Cabalos Cidade contaba desde o ano pasado con feira de gando e premios para os que levaban o maior número de reses equinas e outros cen para o número maior de cabezas de vacún. Ademais dos premios para as diferentes modalidades do torneo.
E na ruta cabalar ademais da tradicional actividade os participantes poderían degustar uns pinchos de confraternización.
